قائد “الخلا” يكشف خيانة الدعم السريع قبل تصفيته

المليشيا لا أمان لها 

تسجيل مكالمة صوتية لقائد الخلا عبدالله حسين قبل تصفيته على أيدي المليشيا الغادرة:

يا محمد، طلع أبوي وأولادي من الضعين وديهم تشاد أو أفريقيا الوسطى.

الوضع ما ظابط، فقدنا عساكرنا كلها وقادات ذاته مافي.

احنا القادات الفضلوا قاعدين نشوف في طريقة نطلع بيها.

الوضع حيكون جايطة، المشتركة يمكن اجو الضعين ويمكن يمشوا نيالا.

القروش الوريتك محلهم، شيلهم املوا عرباتكم بالحاجات المهمة واطلعوا.

انا حامشي جنوب السودان لما القى فرصة واجيكم بهناك.

في الدعم السريع، فضلنا احنا بس، ومحاصرين وعساكري انسحبوا والله ما عارفهم مشوا وين.

الوضع مختلف جداً، قاعد اتواصل مع القادة في الخرطوم وشرق النيل ومافي زول بيستجيب.

لما تصل هناك حارسل ليك رقم آدم ابراهيم يرتب ليكم ويأجر ليكم لحدي ما نشوف الحاصل.

مافي عربات ومافي وقود، الطيران دق كل التناكر وبعد استلام المصفاة مافي وقود وبقينا بنمشي حياتنا من البنشيلوا ما المواطنين.

بيعوا الغنم والابل وحول لي قروش في جنوب السودان، عساكري الان جنبي ما عايزهم يحسوا بحاجة لكن خارج لي الاسرة دي.

الدعم السريع فضلنا احنا بس وتاني مافي قضية.